【自動駕駛小知識
– 咩喺自動駕駛 ? 一架車有10對眼睛 ?
】
自動駕駛
，喺指架車可以根據自身對周圍環境條件嘅感知同理解，自動行駛到目的地，駕駛嘅水準甚至好似人咁樣。咁一架自動駕駛車最主要嘅係咩零件？
首先，係第一個層面，感知識別上，想要做到自動駕駛，就要架車可以自己識別周圍嘅環境，再避開障礙物，就需要用到識別技術，好似人嘅眼咁
。而自動駕駛車嘅眼就喺感測器（SENSOR）啦。為咗確保自動駕駛車對環境嘅理解同把握，自動駕駛系統需要收集同獲取大量周圍環境嘅資訊。通過融合3D 光學雷達(LiDAR)，高解像鏡頭(Camera)仲有毫米波雷達（Radar）等嘅感測器去獲得資訊
。一架車可能有10個以上嘅感測器添。其中攝像頭，可以分得清紅綠燈
，而LiDAR就可以完成繪製周邊障礙物嘅3D圖，可以用作障礙物嘅探測識別
。
第二個層面就係決策技術同規劃。當用完眼睛識別周圍嘅環境之後，就需要將呢啲資訊分析
，然後決定下一步要點行。就好似一個經驗老道嘅司機咁，第一步都需要上多啲路去積累經驗咁，自動駕駛嘅系統同樣都需要學習
。透過提前寫好嘅規則並規定自動駕駛系統做決定既時候需要嚴格咁遵守，例如，決定要轉左超車嘅時候
，要符合編寫嘅條件先可以。
第三，就喺執行系統同控制啦，亦即係底層控制系統，負責執行汽車嘅剎車、加速、轉向嘅真實操作。
睇到呢到，相信大家都已經知道一架自動駕駛車，最緊要嘅就係眼睛，啱啱提到自動駕駛系統至少有10個感測器以上，咁係唔係越多感測器就越好呢
？小編下次會為大家解答，如果想知道更加多相關資訊，記得密切留意我地啦
！